Vorjahr

Den Einter dör hess du´t nich spört,
Güngst still tofräden dine Weg,
Hess di an kinen Minschen kehrt
Un meendest, allens weer in Reeg.

Man nu wi sacht in´n Vorjahr sind,
Geist du vull Unrauh dine Strat.
Du kikst na Wulken un na Wind
Un kikst na all, de paarwies gaat.

Man nun de erste Kirschboom bleut,
Steist du un kannst nich satt di sehn
Un wess nich, wat din Hart so sleit
Un föhlst mit´n mal: Du büss alleen.

Alma Rogge